Sogn og Fjordane kunstmuseum trengte hjelp til fargesetting med meir på kunstutstillinga VEST, verk frå Birger Mowincels samling. Det er mange ulike typar kunstverk i samlinga, korleis framheve dei på best mogleg vis? Etter synfaringa var det klart at rommet og utstillinga trengte varme, vi landa på ulike okernyansar. Når vi hadde fått oversikt over alle verka som skulle stillast ut, laga vi eit system for fargesettinga. Vi arbeidde og med lay out på tekstane, i samarbeid med Fjell Design. Vi “klipte og limte” og hadde kontroll på alle verks- og utstillingstekstar. Det var og vi som hadde all kommunikasjon med trykkeriet. Utstillinga er ei temporærutstilling, opna 25. april 2025.